Dërgesat e-commerce jashtë territorit të Kosovës

Posta e Kosovës Sh.A. e ofron shërbimin e-commerce për dërgesat nga porositë/shitjet online për bizneset që dëshirojnë t’i dërgojnë mallrat te klientët e tyre jashtë territorit të Kosovës. Pesha maksimale e dërgesave e-commerce për letërpostë është 2 kg, ndërsa 20 kg për pako.

Afati i shpërndarjes së këtyre dërgesave, varësisht nga zona, është 3 (tre) deri në 7 (shtatë) ditë pune – duke mos e llogaritur ditën e pranimit dhe festat në shtetin e destinimit.

Janë të ndaluara dërgesat e postës së letrave që nuk plotësojnë kushtet e parashikuara me rregulloret dhe ligjin në fuqi. Varësisht nga dërgesa, ambalazhimi duhet të jetë adekuat në mënyrë që të mos dëmtohet malli apo dërgesat e tjera. Dërgesat i nënshtrohen procesit të doganimit në vendet e destinimit, varësisht nga përmbajtja.