Historiku i Filatelisë

Nga emisionet e para deri te koleksionet e sotme

Filatelia e Kosovës filloi më 15 mars 2000, me emisionin e parë prej pesë pullave postare të lëshuara në valutën gjermane (DM), që në atë kohë ishte valutë zyrtare në Kosovë. Me kalimin gradual në euro gjatë vitit 2001–2002, u publikuan emisionet e dytë dhe të tretë, të cilat përdorën paralelisht DM dhe €, e më pas vetëm €, duke shënuar tranzicionin e plotë monetar.

Zhvillimi i Filatelisë mori hov pas vitit 2004, me rritjen e numrit të tematikave dhe emisioneve të reja. Në këtë periudhë u krijuan pulla komemorative me rëndësi të veçantë historike, si ato për Ditën e Mësuesit dhe Pavarësinë e Kosovës. Sot, Filatelia e Kosovës përfaqëson një fond të pasur të pullave postare që trajtojnë historinë, artin, sportin, kulturën dhe trashëgiminë tonë kombëtare.