LETËRPOSTA

Letëra

Letër është dërgesë e mbyllur që përmban komunikime të shkruara, me ose pa vlerë të deklaruar, ose çdo dërgesë tjetër e mbyllur që plotëson kushtet për dimension dhe peshë për letërpostë.

Dimensionet:

  • Minimale: 90 x 140 mm
  • Maksimale: gjatësia + gjerësia + trashësia ≤ 900 mm; asnjë dimension ≤ 600 mm
  • Ruloni / cilindër: minimale 170 mm, maksimale 1040 mm; dimensioni më i madh ≤ 900 mm
  • Hapësira për adresë: 70 x 100 mm
  • Pesha maksimale: 2 kg

Ambalazhimi:

  • Letërposta duhet të jetë e mbyllur mirë, e përshtatshme për përmbajtjen dhe transportin, duke mbrojtur përmbajtjen dhe punonjësit gjatë përpunimit.

Adresa dhe pullat postare (taksa postare)

  • Vendosni adresën saktë, të plotë dhe të lexueshme, me shkronja latine ose alfabetin e vendit të destinimit.
  • Pullat dhe shenjat e frankimit vendosen në këndin e djathtë të sipërm të dërgesës.
  • Etiketat për shërbimet e veçanta vendosen në anën e majtë të dërgesës.

Letërposta me prioritet:

  • Transportohen përmes rrugëve më të shpejta (ajrore ose tokësore).

  • Duhet të kenë etiketë me ngjyrë të kaltër me mbishkrimin: PRIORITAIRE ose PAR AVION / ME AEROPLAN.

  • Nëse transporti me prioritet nuk është i mundur, mbishkrimet anulohen me dy vija kryq.

Posta FAV icon

KARTËPOSTALJA

Kartëpostalja – është dërgesë e hapur, ana e majtë e së cilës është e dedikuar për shënimin e tekstit, ndërsa ana e djathtë është e dedikuar për adresën e marrësit.

Kartëpostalja e cila është emetim i komunikacionit të brendshëm postar duhet të ketë emërtimin: “Kartëpostale” dhe “Carte postale” për komunikacionin ndërkombëtar.

Pako e vogël

Pako e vogël – është dërgesë postare që përmban sende të ndryshme në sasi të vogla, si prodhime artistike, kaseta, disqe, CD, shirita magnetikë, mostra tregtie ose pjesë të një sendi që shërben si mostër tregtie, pjesë këmbimi për aparatura, duke përjashtuar çdo mundësi për t’u përdorur për qëllime biznesi. Pesha maksimale e pakos së vogël është deri në 2 kg.

Në këndin e majtë lart pakot e vogla duhet të kenë të vendosur shënimin “PAKO E VOGËL” për komunikacionin vendor dhe “PETIT PAQUET” në komunikacionin ndërkombëtar.

 

Shtypshkrime

Shtypshkrimet – janë dërgesa të hapura që përmbajnë libra, gazeta ose revista, të cilat mund të publikohen në treg rregullisht ose kohë pas kohe. Pranohen deri në peshën 2 kg, ndërsa në rastet kur përmbajtja është e pandarë atëherë pranohen deri në 5 kg. Shtypshkrimet të cilat i dërgon dërguesi pa adresa të marrësit konsiderohen si shtypshkrime të paadresuara.

Shtypshkrimet – në këndin e lartë të majtë të adresës duhet të kenë të vendosur etiketën “SHTYPSHKRIMI” për komunikacionin e brendshëm postar dhe “IMPRIME” për komunikacionin ndërkombëtar.

Sekogramet

Sekogramet – janë letrat e shtypura me alfabetin Braille (në formë pikash të ngritura), të dedikuara personave të verbër, klishe me shenja të sekografisë apo incizime tonale, si dhe letër speciale për persona të verbër.

Sekogramet – duhet ta kenë të vendosur shenjën “SEKOGRAM” – për trafikun vendor dhe ndërkombëtar – “CECOGRAMME”. Pesha maksimale e sekogramit nuk mund të jetë mbi 7 kg.

Këtë shërbim Posta e Kosovës e ofron falas, në përjashtim të shërbimeve të veçanta.

Aerogramët

Aerogramët – janë dërgesa të shtypura në një letër, të cilat palosen në mënyrë të tillë që të formohet një drejtkëndësh me dimensione përafërsisht 110 x 220 mm.

Aerogrami ka një faqe të pastër në dispozicion të dërguesit për ta plotësuar sipas kërkesës së tij. Në pjesën e sipërme ka të shënuar me germa të mëdha fjalën “AEROGRAM” për trafikun vendor, ndërsa për atë ndërkombëtar “AEROGRAMME”, si dhe vendin për adresën e marrësit dhe dërguesit.

Aerogrami i palosur ka një anë të lyer me ngjitës (si kapaku i zarfit), i cili shërben për ta mbyllur aerogramin në mënyrë që të mos mund të lexohet përmbajtja. Marrësi, për të lexuar aerogramin, duhet ta presë në vendin e caktuar që është shënuar me një vijë dhe që lejon shpalosjen e rregullt të tij.